Леверкузеннинг «Байер» клуби бош мураббийи Каспер Юльманн Чемпионлар Лигаси 1/8 финали доирасида Лондоннинг «Арсенал» жамоасига қарши бўлиб ўтадиган жавоб учрашуви олдидан ўз кутилмалари билан ўртоқлашди.

Бир ҳафта олдин Германияда бўлиб ўтган баҳсда жамоалар муроса кўчасини танлашган эди (1:1). Юльманн «доришунослар»нинг Леверкузендаги ўйинини юқори баҳолади.

«Биринчи ўйинда биз уларга деярли ҳеч қандай имконият қолдирмадик. Жавоб учрашувида ҳам худди шундай устунлик қилишга ҳаракат қиламиз», — дея мутахассиснинг сўзларидан иқтибос келтирмоқда УЕФА матбуот хизмати.

У «Байер» албатта керакли натижага эришиши ва чорак финалга йўл олишига ишонч билдирди.