Madridning «Real» klubi bosh murabbiyi Alvaro Arbeloa jamoa yulduzlari — Juan Bellingem va Kilian Mbappening holati hamda ularning Chempionlar Ligasi doirasida «Manchester Siti»ga qarshi o‘yindagi ishtiroki haqida ma’lumot berdi.
«Bellingemning o‘zi jamoa bilan birga bo‘lishni istadi, ammo ertangi bahsda u maydonga tushmaydi. Uning safga qaytishi yaqinlashayotganidan xursandman. Jud — jamoa yetakchilaridan biri va uning biz bilan birga ekanligi muhim ahamiyatga ega. Mbappe esa allaqachon tayyor. Bunga ertaga o‘zingiz guvoh bo‘lasiz.
Mbappe bilan o‘yin sxemasi o‘zgarishsiz qoladimi? Kilian bizga Braim Dias kabi futbolchilardan farqli o‘laroq boshqacha sifatlar taqdim etadi, lekin u ular bilan ham til topisha oladi. U bo‘sh zonalarni topa oladigan juda aqlli futbolchi», — dedi Arbeloa matbuot anjumanida.
Eslatib o‘tamiz, dastlabki uchrashuvda «Real» Mbappesiz ham «Manchester Siti»ni 3:0 hisobida mag‘lub etishga muvaffaq bo‘lgan edi.
