Мадриднинг «Реал» клуби бош мураббийи Альваро Арбелоа жамоа юлдузлари — Жуан Беллингем ва Килиан Мбаппенинг ҳолати ҳамда уларнинг Чемпионлар Лигаси доирасида «Манчестер Сити»га қарши ўйиндаги иштироки ҳақида маълумот берди.
«Беллингемнинг ўзи жамоа билан бирга бўлишни истади, аммо эртанги баҳсда у майдонга тушмайди. Унинг сафга қайтиши яқинлашаётганидан хурсандман. Жуд — жамоа етакчиларидан бири ва унинг биз билан бирга эканлиги муҳим аҳамиятга эга. Мбаппе эса аллақачон тайёр. Бунга эртага ўзингиз гувоҳ бўласиз.
Мбаппе билан ўйин схемаси ўзгаришсиз қоладими? Килиан бизга Браим Диас каби футболчилардан фарқли ўлароқ бошқача сифатлар тақдим этади, лекин у улар билан ҳам тил топиша олади. У бўш зоналарни топа оладиган жуда ақлли футболчи», — деди Арбелоа матбуот анжуманида.
Эслатиб ўтамиз, дастлабки учрашувда «Реал» Мбаппесиз ҳам «Манчестер Сити»ни 3:0 ҳисобида мағлуб этишга муваффақ бўлган эди.
