"Liverpul" bosh murabbiyi Arne Slot Chempionlar Ligasida bo‘lajak "Galatasaroy"ga qarshi o‘z uyidagi bahs haqida gapirdi. Birinchi o‘yinda "qizillar" Istanbulda 0:1 hisobida mag‘lub bo‘lishgandi. Xuddi shunday hisob bilan mersisaydliklar sentyabr oyida bo‘lib o‘tgan umumiy bosqichdagi safar o‘yinida ham "arslonlar"ga imkoniyatni boy berishgan edi.

"Bu juda qiyin o‘yin bo‘ladi. Biz joriy mavsumda ularga qarshi allaqachon ikki marta o‘ynadik va ikkalasida ham mag‘lubiyatga uchradik. Yaxshi xabar shundaki, biz ularga qarshi ilk bor o‘z maydonimizda o‘ynaymiz va bizda muxlislarimizning qo‘llab-quvvatlashi bo‘ladi. Ertaga fanatlarimiz xuddi har doimgidek yana biz bilan birga bo‘lishadi", — dedi Slot matbuot anjumanida.