"Ливерпуль" бош мураббийи Арне Слот Чемпионлар Лигасида бўлажак "Галатасарой"га қарши ўз уйидаги баҳс ҳақида гапирди. Биринчи ўйинда "қизиллар" Истанбулда 0:1 ҳисобида мағлуб бўлишганди. Худди шундай ҳисоб билан мерсисайдликлар сентябрь ойида бўлиб ўтган умумий босқичдаги сафар ўйинида ҳам "арслонлар"га имкониятни бой беришган эди.

"Бу жуда қийин ўйин бўлади. Биз жорий мавсумда уларга қарши аллақачон икки марта ўйнадик ва иккаласида ҳам мағлубиятга учрадик. Яхши хабар шундаки, биз уларга қарши илк бор ўз майдонимизда ўйнаймиз ва бизда мухлисларимизнинг қўллаб-қувватлаши бўлади. Эртага фанатларимиз худди ҳар доимгидек яна биз билан бирга бўлишади", — деди Слот матбуот анжуманида.