Fransiyaning «PSJ» klubi darvozaboni Lyuka Shevalye 2025/2026 yilgi mavsum yakunlanganidan so‘ng jamoasini o‘zgartirishi mumkin. U ayni damda rossiyalik Matvey Safonov bilan raqobatda imkoniyatni boy bermoqda.
L'Equipe jurnalistlarining ma’lumotlariga ko‘ra, darvozabonda Angliya Premyer-ligasida ishga joylashish varianti mavjud. Londonning «Tottenxem» klubi Shevalye xizmatlariga qiziqish bildirmoqda. «Shporlar» yangi darvozabon qidirishmoqda va fransuzning Parij grandidagi vaziyatini diqqat bilan kuzatib borishmoqda.
24 yoshli darvozabon o‘tgan yilning yozida «Lill»dan 40 million yevro evaziga «PSJ» safiga kelib qo‘shilgan edi. Shevalyening parijliklar bilan amaldagi shartnomasi 2030 yilning iyun oyi oxirigacha mo‘ljallangan.
