Франциянинг «ПСЖ» клуби дарвозабони Люка Шевалье 2025/2026 йилги мавсум якунланганидан сўнг жамоасини ўзгартириши мумкин. У айни дамда россиялик Матвей Сафонов билан рақобатда имкониятни бой бермоқда.
L'Equipe журналистларининг маълумотларига кўра, дарвозабонда Англия Премьер-лигасида ишга жойлашиш варианти мавжуд. Лондоннинг «Тоттенхэм» клуби Шевалье хизматларига қизиқиш билдирмоқда. «Шпорлар» янги дарвозабон қидиришмоқда ва французнинг Париж грандидаги вазиятини диққат билан кузатиб боришмоқда.
24 ёшли дарвозабон ўтган йилнинг ёзида «Лилль»дан 40 миллион евро эвазига «ПСЖ» сафига келиб қўшилган эди. Шевальенинг парижликлар билан амалдаги шартномаси 2030 йилнинг июнь ойи охиригача мўлжалланган.
