Londonning «Chelsi» klubi ustozi Liam Rosenyor o‘z lavozimini tark etishi mumkin. Bu haqda Britaniya ommaviy axborot vositalari xabar bermoqda.
«Aristokratlar» rahbariyati 41 yoshli britaniyalik mutaxassis o‘rniga bir nechta nomzodlarni ko‘rib chiqmoqda. London top-klubining qisqa ro‘yxatidan («short-list») Sesk Fabregas («Komo»), Luis Enrike («PSJ») va yaqinda Braziliyaning «Flamengo» klubi bosh murabbiyligidan ketgan Filipe Luis joy olgan.
Rosenyor «Chelsi» boshqaruvini shu yilning yanvar oyida o‘z qo‘liga olgan edi. Murabbiyning londonliklar bilan amaldagi shartnomasi 2032 yil iyun oyi oxirigacha mo‘ljallangan.
Eslatib o‘tamiz, jamoa Chempionlar ligasining 1/8 finalida musobaqa bilan xayrlashishdi, APLda esa ayni damda 6-o‘rinni egallab turishibdi.
