Лондоннинг «Челси» клуби устози Лиам Росеньор ўз лавозимини тарк этиши мумкин. Бу ҳақда Британия оммавий ахборот воситалари хабар бермоқда.
«Аристократлар» раҳбарияти 41 ёшли британиялик мутахассис ўрнига бир нечта номзодларни кўриб чиқмоқда. Лондон топ-клубининг қисқа рўйхатидан («шорт-лист») Сеск Фабрегас («Комо»), Луис Энрике («ПСЖ») ва яқинда Бразилиянинг «Фламенго» клуби бош мураббийлигидан кетган Филипе Луис жой олган.
Росеньор «Челси» бошқарувини шу йилнинг январь ойида ўз қўлига олган эди. Мураббийнинг лондонликлар билан амалдаги шартномаси 2032 йил июнь ойи охиригача мўлжалланган.
Эслатиб ўтамиз, жамоа Чемпионлар лигасининг 1/8 финалида мусобақа билан хайрлашишди, АПЛда эса айни дамда 6-ўринни эгаллаб туришибди.
