«Барселона» ҳужумчи Жорж Микаутадзенинг эҳтимолий трансфери юзасидан «Вильярреал» билан боғланди, дея хабар бермоқда El Chiringuito TV.

Манба маълумотига кўра, «Вильярреал» Грузия терма жамоасининг 25 ёшли футболчисини 70 миллион еврога баҳоламоқда. «Атлетико» ҳужумчиси Хулиан Альвареснинг трансфери амалга ошмай қолгач, каталонияликлар Микаутадзени ҳужум чизиғини кучайтириш учун асосий вариантлардан бири сифатида кўриб чиқмоқда.

Микаутадзенинг «Вильярреал» билан амалдаги шартномаси 2031 йилга қадар мўлжалланган. Transfermarkt портали эса футболчининг бозор қийматини 30 миллион еврога баҳолайди.

Ўтган мавсумда Микаутадзе барча мусобақалар доирасида 44 та учрашувда майдонга тушиб, 16 та гол урди ва 6 та голли узатмани амалга оширди.