Яқинда Мадриднинг "Реал" клуби бош мураббийи бўлган Жозе Моуриньо Винисиус Жуниор ва Жанлука Престианни иштирокидаги можароли воқеани эслади.
Ўтган мавсум Чемпионлар лигаси плей-оффининг дастлабки босқичида "Реал" ва "Бенфика" ўзаро тўқнаш келганида бразилиялик футболчи рақиб жамоа вакили билан тортишиб қолган эди. Престианни футболкаси билан оғзини тўсган ҳолда Винисиусга нимадир деган, шундан сўнг "Реал" юлдузи ҳакамга ўзини ирқий ҳақорат қилишганини маълум қилган. Ўша пайтда Моуриньо "Бенфика"ни бошқараётган эди.
"Мен учун ҳаммаси жуда оддий. Винисиус мен кимнинг тарафида эканимни билади. Ўша пайтда Престианни менинг жамоамда ўйнарди. Мен ҳар доим ўз футболчиларимни ҳимоя қиламан — бу муҳокама қилинмайди", — дея Моуриньонинг сўзларини Madrid Zone келтиради.
Жорий ёзда португалиялик мутахассис "Бенфика"ни тарк этиб, "Реал"га қайтди.
