Yaqinda Madridning "Real" klubi bosh murabbiyi bo‘lgan Joze Mourinyo Vinisius Junior va Janluka Prestianni ishtirokidagi mojaroli voqeani esladi.
O‘tgan mavsum Chempionlar ligasi pley-offining dastlabki bosqichida "Real" va "Benfika" o‘zaro to‘qnash kelganida braziliyalik futbolchi raqib jamoa vakili bilan tortishib qolgan edi. Prestianni futbolkasi bilan og‘zini to‘sgan holda Vinisiusga nimadir degan, shundan so‘ng "Real" yulduzi hakamga o‘zini irqiy haqorat qilishganini ma’lum qilgan. O‘sha paytda Mourinyo "Benfika"ni boshqarayotgan edi.
"Men uchun hammasi juda oddiy. Vinisius men kimning tarafida ekanimni biladi. O‘sha paytda Prestianni mening jamoamda o‘ynardi. Men har doim o‘z futbolchilarimni himoya qilaman — bu muhokama qilinmaydi", — deya Mourinyoning so‘zlarini Madrid Zone keltiradi.
Joriy yozda portugaliyalik mutaxassis "Benfika"ni tark etib, "Real"ga qaytdi.
