Fransiya terma jamoasi ustozi Didye Desham Kilian Mbappeni Braziliya va Kolumbiya terma jamoalariga qarshi o‘rtoqlik uchrashuvlariga chaqirgani sabablarini izohlab berdi. Deshamning so‘zlariga ko‘ra, o‘yinlarning maqomidan qat’i nazar, jamoa uchun yetakchining borligi muhim ahamiyatga ega.
«Uni marketing yoki suratlarga tushish uchun taklif qilayotganim haqidagi gaplar haqiqatga to‘g‘ri kelmaydi. U bizga maydonda kerak. Qolaversa, uning o‘zi ham terma jamoa safida o‘ynashni istaydi», — deya Deshamning so‘zlaridan iqtibos keltirmoqda derbyderbyderby.it nashri.
Eslatib o‘tamiz, Fransiya terma jamoasi amaldagi jahon vise-chempioni hisoblanadi. Qatarda bo‘lib o‘tgan Jahon chempionati finalida fransuzlar aynan Kilian Mbappe tomonidan amalga oshirilgan xet-trikka qaramay, argentinaliklarga imkoniyatni boy berishgan edi.
