Франция терма жамоаси устози Дидье Дешам Килиан Мбаппени Бразилия ва Колумбия терма жамоаларига қарши ўртоқлик учрашувларига чақиргани сабабларини изоҳлаб берди. Дешамнинг сўзларига кўра, ўйинларнинг мақомидан қатъи назар, жамоа учун етакчининг борлиги муҳим аҳамиятга эга.
«Уни маркетинг ёки суратларга тушиш учун таклиф қилаётганим ҳақидаги гаплар ҳақиқатга тўғри келмайди. У бизга майдонда керак. Қолаверса, унинг ўзи ҳам терма жамоа сафида ўйнашни истайди», — дея Дешамнинг сўзларидан иқтибос келтирмоқда derbyderbyderby.it нашри.
Эслатиб ўтамиз, Франция терма жамоаси амалдаги жаҳон вице-чемпиони ҳисобланади. Қатарда бўлиб ўтган Жаҳон чемпионати финалида французлар айнан Килиан Мбаппе томонидан амалга оширилган хет-трикка қарамай, аргентиналикларга имкониятни бой беришган эди.
