«Xoffenxaym» hujumchisi Fisnik Asllani Londonning «Chelsi» va «Tottenxem» klublari qiziqishlari doirasiga tushdi.

Angliya Premyer-ligasining har ikki vakili joriy mavsum yakunlanganidan so‘ng 23 yoshli futbolchi uchun kurashishga tayyor, deb xabar bermoqda Transfer News Live nashri Bildga tayangan holda. Shuningdek, forvardga «Bavariya» ham da’vogarlik qilmoqda, avvalroq esa «Barselona»ning qiziqishi haqida xabarlar tarqalgan edi.

Transfermarkt ekspertlari Fisnik Asllanining bozor qiymatini 30 mln yevroga baholashmoqda. Bundesliganing joriy mavsumida futbolchi 25 ta o‘yinda maydonga tushib, o‘z hisobiga sakkizta gol va beshta golli uzatmani yozdirib qo‘ydi. Uning «Xoffenxaym» bilan amaldagi shartnomasi 2029 yilgacha mo‘ljallangan.