«Хоффенхайм» ҳужумчиси Фисник Асллани Лондоннинг «Челси» ва «Тоттенхэм» клублари қизиқишлари доирасига тушди.
Англия Премьер-лигасининг ҳар икки вакили жорий мавсум якунланганидан сўнг 23 ёшли футболчи учун курашишга тайёр, деб хабар бермоқда Transfer News Live нашри Bildга таянган ҳолда. Шунингдек, форвардга «Бавария» ҳам даъвогарлик қилмоқда, аввалроқ эса «Барселона»нинг қизиқиши ҳақида хабарлар тарқалган эди.
Transfermarkt экспертлари Фисник Аслланининг бозор қийматини 30 млн еврога баҳолашмоқда. Бундеслиганинг жорий мавсумида футболчи 25 та ўйинда майдонга тушиб, ўз ҳисобига саккизта гол ва бешта голли узатмани ёздириб қўйди. Унинг «Хоффенхайм» билан амалдаги шартномаси 2029 йилгача мўлжалланган.
