«Manchester Yunayted» yarim himoyachisi Kobbi Maynu tez orada klub bilan yangi shartnoma imzolashi mumkin.
20 yoshli futbolchining amaldagi kelishuvi 2027 yilda nihoyasiga yetadi, biroq, aytishlaricha, u uzaytiriladi. talkSPORT nashrining ma’lumotlariga ko‘ra, xavbek yangi shartnoma shartlariga binoan bonuslarni hisobga olmaganda haftasiga taxminan 120 ming funt sterling (taxminan 138,5 ming yevro) maosh oladi. Agar yosh angliyalik o‘sishda davom etsa, «qizil iblislar» 2028 yildayoq unga yanada yaxshilangan kelishuv taklif qilishlari mumkin.
Joriy mavsumda Kobbi Maynu barcha turnirlarda 23 ta o‘yinda ishtirok etib, o‘z hisobiga uchta golli uzatmani yozdirib qo‘ydi.
