«Манчестер Юнайтед» ярим ҳимоячиси Кобби Майну тез орада клуб билан янги шартнома имзолаши мумкин.
20 ёшли футболчининг амалдаги келишуви 2027 йилда ниҳоясига етади, бироқ, айтишларича, у узайтирилади. talkSPORT нашрининг маълумотларига кўра, хавбек янги шартнома шартларига биноан бонусларни ҳисобга олмаганда ҳафтасига тахминан 120 минг фунт стерлинг (тахминан 138,5 минг евро) маош олади. Агар ёш англиялик ўсишда давом этса, «қизил иблислар» 2028 йилдаёқ унга янада яхшиланган келишув таклиф қилишлари мумкин.
Жорий мавсумда Кобби Майну барча турнирларда 23 та ўйинда иштирок этиб, ўз ҳисобига учта голли узатмани ёздириб қўйди.
