«Bavariya» hujumchisi Xarri Keyn faoliyatidagi eng sermahsul mavsumni o‘tkazmoqda.
Angliyalik futbolchi Chempionlar ligasi 1/8 finali doirasida «Atalanta»ga qarshi kechgan javob uchrashuvida (4:1) dublni rasmiylashtirdi: 25-daqiqada forvard penaltini aniq amalga oshirgan bo‘lsa, 54-daqiqada o‘yin vaziyatidan ikkinchi golini urdi. Opta ma’lumotlariga ko‘ra, Keynning joriy mavsumda barcha turnirlarda urgan gollari soni 47 taga yetdi — bu uning shaxsiy rekordidir. Bundan tashqari, aynan myunxenliklar yulduzi Yevropaning kuchli beshlik chempionatlari to‘purarlari ro‘yxatida peshqadamlik qilmoqda.
Bunday ko‘rsatkichga erishish uchun Xarri Keynga bor-yo‘g‘i 39 ta o‘yin kifoya qildi.
