«Бавария» ҳужумчиси Харри Кейн фаолиятидаги энг сермаҳсул мавсумни ўтказмоқда.
Англиялик футболчи Чемпионлар лигаси 1/8 финали доирасида «Аталанта»га қарши кечган жавоб учрашувида (4:1) дублни расмийлаштирди: 25-дақиқада форвард пенальтини аниқ амалга оширган бўлса, 54-дақиқада ўйин вазиятидан иккинчи голини урди. Opta маълумотларига кўра, Кейннинг жорий мавсумда барча турнирларда урган голлари сони 47 тага етди — бу унинг шахсий рекордидир. Бундан ташқари, айнан мюнхенликлар юлдузи Европанинг кучли бешлик чемпионатлари тўпурарлари рўйхатида пешқадамлик қилмоқда.
Бундай кўрсаткичга эришиш учун Харри Кейнга бор-йўғи 39 та ўйин кифоя қилди.
