Myunxenning «Bavariya» klubi bosh murabbiyi Vensan Kompani kelasi hafta 40 yoshni qarshilaydigan darvozabon Manuel Noyer haqida o‘z fikrlarini bildirdi.

«40 yosh — bu hali yoshlik, ilgari buni tushunmasdim. Lekin endi bilaman. Mening tizzalarim o‘z vaqtida boshqacha qaror qabul qilgandi, aks holda men ham o‘ynashda davom etishim mumkin edi. Bu yerda asosiy so‘z — «chanqoqlik». Manuel og‘ir jarohatdan so‘ng safga qaytish uchun kurashdi. Ushbu mavsumda u aql bovar qilmaydigan sport formasida — bu kishini hayratga soladi. U qayta-qayta yuqori natija ko‘rsatishda davom etmoqda. Biz deyarli tengdoshmiz.

Gap faqat jismoniy holatda emas, balki ruhiy jihatda ham. Agar uning tanasi yaxshi holatda bo‘lsa, bu — masalaning bir tomoni. Ammo uning o‘zini ruhiy jihatdan doimiy ravishda motivasiya qilishi lol qoldiradi. Bunday darajaga erishish uchun haqiqatan ham ulkan ishtiyoq kerak», — deya Kompanining so‘zlarini keltirmoqda klub rasmiy sayti.

Bugun, 21 mart kuni, «Bavariya» Bundesliganing 27-turi doirasida Berlinning «Union» jamoasiga qarshi maydonga tushadi. Germaniya chempionatining 26 turidan so‘ng «Bavariya» 67 ochko bilan turnir jadvalida birinchi o‘rinni egallab turibdi. «Union» esa 31 ochko bilan to‘qqizinchi pog‘onadan joy olgan.