Мюнхеннинг «Бавария» клуби бош мураббийи Венсан Компани келаси ҳафта 40 ёшни қаршилайдиган дарвозабон Мануэль Нойер ҳақида ўз фикрларини билдирди.

«40 ёш — бу ҳали ёшлик, илгари буни тушунмасдим. Лекин энди биламан. Менинг тиззаларим ўз вақтида бошқача қарор қабул қилганди, акс ҳолда мен ҳам ўйнашда давом этишим мумкин эди. Бу ерда асосий сўз — «чанқоқлик». Мануэль оғир жароҳатдан сўнг сафга қайтиш учун курашди. Ушбу мавсумда у ақл бовар қилмайдиган спорт формасида — бу кишини ҳайратга солади. У қайта-қайта юқори натижа кўрсатишда давом этмоқда. Биз деярли тенгдошмиз.

Гап фақат жисмоний ҳолатда эмас, балки руҳий жиҳатда ҳам. Агар унинг танаси яхши ҳолатда бўлса, бу — масаланинг бир томони. Аммо унинг ўзини руҳий жиҳатдан доимий равишда мотивация қилиши лол қолдиради. Бундай даражага эришиш учун ҳақиқатан ҳам улкан иштиёқ керак», — дея Компанининг сўзларини келтирмоқда клуб расмий сайти.

Бугун, 21 март куни, «Бавария» Бундеслиганинг 27-тури доирасида Берлиннинг «Унион» жамоасига қарши майдонга тушади. Германия чемпионатининг 26 туридан сўнг «Бавария» 67 очко билан турнир жадвалида биринчи ўринни эгаллаб турибди. «Унион» эса 31 очко билан тўққизинчи поғонадан жой олган.