«Liverpul» klubining sobiq futbolchisi Grem Suness mersisaydliklar jamoasining yulduz hujumchisi Muhammad Saloh haqida o‘z fikrlarini bildirdi.
«Muhammadning hozirgi statistikasi hammasini aytib turibdi. Uning sermahsulligi ushbu mavsumda keskin pasayib ketdi. Jamoaning beqaror o‘yin ko‘rsatayotganiga aynan u asosiy sababchidir. Uning ketish vaqti keldimi? Ha, yozda ketishi kerak», — deya ekspertning so‘zlarini keltirmoqda Mirror nashri.
Joriy mavsumda Muhammad «qizillar» safida 34 ta uchrashuvda ishtirok etdi. Hujumchi 10 ta gol va 9 ta golli uzatmaga mualliflik qildi.
33 yoshli misrlik futbolchining «Liverpul» bilan shartnomasi 2027 yilning yozida yakuniga yetadi. O‘yinchining bozor qiymati 30 million yevroni tashkil qiladi.
