«Ливерпуль» клубининг собиқ футболчиси Грэм Сунесс мерсисайдликлар жамоасининг юлдуз ҳужумчиси Муҳаммад Салоҳ ҳақида ўз фикрларини билдирди.
«Муҳаммаднинг ҳозирги статистикаси ҳаммасини айтиб турибди. Унинг сермаҳсуллиги ушбу мавсумда кескин пасайиб кетди. Жамоанинг беқарор ўйин кўрсатаётганига айнан у асосий сабабчидир. Унинг кетиш вақти келдими? Ҳа, ёзда кетиши керак», — дея экспертнинг сўзларини келтирмоқда Mirror нашри.
Жорий мавсумда Муҳаммад «қизиллар» сафида 34 та учрашувда иштирок этди. Ҳужумчи 10 та гол ва 9 та голли узатмага муаллифлик қилди.
33 ёшли мисрлик футболчининг «Ливерпуль» билан шартномаси 2027 йилнинг ёзида якунига етади. Ўйинчининг бозор қиймати 30 миллион еврони ташкил қилади.
