«Brayton» bosh murabbiyi Fabian Xyurseler Angliya chempionatining 31-turi doirasida «Liverpul» ustidan qozonilgan g‘alabali o‘yindan so‘ng jamoasining harakatlariga izoh berdi.

Shanba kuni bo‘lib o‘tgan uchrashuv 2:1 hisobida «chaykalar»ning g‘alabasi bilan yakunlandi.

— Bugun biz ko‘rsatgan intensivlik hal qiluvchi ahamiyatga ega bo‘ldi. Biz faol pressing qildik va yuqori tezlikda o‘ynadik. Ikkinchi bo‘limda ko‘plab vaziyatlar yaratdik. Jamoaning qanday o‘ynaganidan hamda harakat va mehnat borasida raqibdan ustun kelishga intilganidan mamnunman, — dedi murabbiy.