«Liverpul» bosh murabbiyi Arne Slot safarda «Brayton»dan uchralgan 1:2 hisobidagi mag‘lubiyatdan so‘ng o‘z fikrlarini bildirdi.
«Birinchi bo‘lim teng kurashlar ostida o‘tdi. Ikki nafar markaziy hujumchimizning yo‘qligi biz uchun jiddiy zarba bo‘ldi. Tarkibda Isak yo‘q edi, Ekitikeni esa dastlabki daqiqalardayoq yo‘qotdik. Ayniqsa, Ugo chorshanba kungi o‘yinda qanchalik yaxshi harakat qilganini hisobga olsak, bu bizga pand berdi. Birinchi bo‘lim teng o‘tgan bo‘lsa, ikkinchi bo‘limda "Brayton" maydondagi eng yaxshi jamoa edi.
Yevrokubok o‘yinlaridan keyin ko‘p ochko yo‘qotayotganimiz bor gap. Men buning sabablarini bir necha bor tushuntirishga harakat qildim, ammo bugun "Brayton"ning harakatlariga tan berish kerak. Ikkinchi bo‘limda ular maydonda ancha yaxshiroq edilar», — dedi Slot TNT Sports telekanaliga.
Hozirda «Liverpul» APL turnir jadvalida beshinchi o‘rinni egallab turibdi.













