«Liverpul» bosh murabbiyi Arne Slot «Brayton»dan uchralgan mag‘lubiyatdan (1:2) so‘ng jamoasining Chempionlar ligasi hududida finish qilish imkoniyatlari haqida gapirib o‘tdi.
Hozirda «Liverpul» Premyer-liga turnir jadvalida beshinchi o‘rinni egallab turibdi. Tur yakunlariga ko‘ra «Chelsi» «qizillar»ni quvib o‘tishi mumkin.
«O‘yin oldidan Chempionlar ligasiga yo‘llanma olish uchun qolgan barcha 24 ochkoni qo‘lga kiritishimiz shart bo‘lmasa kerak, deb hisoblagandim. Umid qilamanki, bu borada haqman, chunki endi biz maksimal 24 ochkoni jamg‘ara olmaymiz. Afsuski, bugun ochko olishning iloji bo‘lmadi. Ikkinchi bo‘limda "Brayton" uchinchi golni urishga biz ikkinchi golni urishimizdan ko‘ra yaqinroq edi», — dedi Slot TNT Sports telekanaliga.
Mavsum yakuniga qadar «Liverpul» APL doirasida «Fulxem», «Everton», «Kristal Pelas», «Manchester Yunayted», «Chelsi», «Aston Villa» va «Brentford» jamoalariga qarshi maydonga tushadi.
