Londonning «Arsenal» klubi laterali Maylz Lyuis-Skelli faoliyatini Angliya Premyer-ligasining boshqa bir top-klubida davom ettirishi mumkin. Bu haqda Teamtalk jurnalistlari xabar bermoqda.
Manbaning ma’lumotlariga ko‘ra, «Manchester Yunayted» 19 yoshli himoyachini o‘z safiga qo‘shib olmoqchi. Futbolchining o‘zi doimiy o‘yin amaliyotiga ega bo‘lish uchun klubni almashtirishga qarshi emas.
Futbolchining bozor qiymati 35 million yevroga baholanmoqda. Himoyachining «kanonirlar» bilan amaldagi shartnomasi 2030 yilning iyun oyi oxirida yakuniga etadi. Transfermarkt portali ekspertlari ham Lyuis-Skellining narxini 35 million yevro etib belgilashgan.
