«Barselona» hujumchisi Robert Levandovski o‘zining kelajagi borasida fikr bildirdi. Ma’lumki, polshalik futbolchining kataloniyaliklar bilan amaldagi shartnomasi shu yozda o‘z nihoyasiga yetadi.

«Mening shartnomam borasida hech narsa o‘zgargani yo‘q. Kelajagim va mavjud variantlar haqida o‘ylab ko‘rish uchun hali vaqtim bo‘ladi», — deya Levandovskining so‘zlarini keltiradi The Touchline.

Robert Levandovski hozirda 37 yoshda. Polshalik hujumchi «Barselona» safida jami 184 ta rasmiy uchrashuvda maydonga tushib, 117 ta gol urdi va jamoadoshlariga 23 ta golli uzatmani amalga oshirdi.

«Barselona» Ispaniya La Ligasida peshqadamlik qilmoqda. Ikkinchi o‘rindagi «Real» esa ulardan to‘rt ochko ortda qolmoqda.