«Барселона» ҳужумчиси Роберт Левандовски ўзининг келажаги борасида фикр билдирди. Маълумки, полшалик футболчининг каталонияликлар билан амалдаги шартномаси шу ёзда ўз ниҳоясига етади.
«Менинг шартномам борасида ҳеч нарса ўзгаргани йўқ. Келажагим ва мавжуд вариантлар ҳақида ўйлаб кўриш учун ҳали вақтим бўлади», — дея Левандовскининг сўзларини келтиради The Touchline.
Роберт Левандовски ҳозирда 37 ёшда. Польшалик ҳужумчи «Барселона» сафида жами 184 та расмий учрашувда майдонга тушиб, 117 та гол урди ва жамоадошларига 23 та голли узатмани амалга оширди.
«Барселона» Испания Ла Лигасида пешқадамлик қилмоқда. Иккинчи ўриндаги «Реал» эса улардан тўрт очко ортда қолмоқда.
