Angliya futbolining yangi mavsumi an’anaviy tarzda boshlanadigan Community Shield (Superkubok) bahsi kutilmagan manzilda bo‘lib o‘tadigan bo‘ldi. Angliya futbol assosiasiyasi (FA) milliy stadion hisoblangan afsonaviy «Uembli» o‘rniga boshqa arenani tanlashga majbur bo‘ldi.

Bu safar futbol yulduzlariga mashhur kanadalik xonanda The Weeknd «xalaqit» berdi. Gap shundaki, 15-16 avgust kunlari «Uembli» stadionida xonandaning konserti rejalashtirilgan. Shu sababli APL chempioni va Angliya Kubogi sohibi o‘rtasidagi to‘qnashuv London tashqarisiga ko‘chirildi.

Rasmiy ma’lumotlarga ko‘ra, 16 avgust kuni bo‘lib o‘tadigan final bahsi Uels poytaxtidagi mashhur «Millenium» stadionida o‘tkaziladi. 74 500 tomoshabinga mo‘ljallangan ushbu muhtasham arena muxlislar uchun begona emas.

Eslatib o‘tamiz, Angliya Superkubogi oxirgi marta 2022 yilda «Uembli»dan tashqarida o‘tkazilgan edi. O‘shanda ayollar o‘rtasidagi Yevropa chempionati finali sababli bahs Lesterdagi «King Pauer Stedium»ga ko‘chirilgandi. Oradan to‘rt yil o‘tib, «Uembli» yana futbol uchun band bo‘lib chiqdi.