To‘rt yillik tanaffusdan so‘ng, urugvaylik darvozabon Fernando Muslera milliy terma jamoaga qaytishga qaror qildi. Uning bo‘lajak jahon chempionatida ishtirok etish ehtimoli ancha yuqori.
Shu bilan birga, eslatib o‘tish joizki, o‘tgan yozda Muslera so‘nggi yillarda to‘p surgan Turkiyaning «Galatasaroy» klubini ham tark etgan edi. Boshqacha aytganda, so‘nggi vaqtlarda Muslera o‘yin amaliyotiga ega bo‘lmagan. Endilikda u Angliya va Jazoir terma jamoalariga qarshi o‘rtoqlik uchrashuvlarida maydonga tushishi kerak. Uning jahon chempionatidagi ishtiroki masalasi esa hozircha ochiq qolmoqda.
Muslera oxirgi marta 2022 yil 11 iyun kuni — bo‘lajak jahon chempionati boshlanishiga roppa-rosa to‘rt yil qolgan sanada terma jamoa safida o‘ynagan edi. Hozirda Urugvay terma jamoasini Marselo Byelsa boshqarmoqda.
