Myunxenning «Bavariya» klubi sobiq hujumchisi, hozirda «Vankuver» sharafini himoya qilayotgan Tomas Myuller bo‘lajak Jahon chempionati — 2026 favoriti sifatida qaysi jamoani ko‘rayotganini ma’lum qildi.
«Agar men faqat bitta jamoani tanlashim kerak bo‘lsa, bu Ispaniya terma jamoasi bo‘lsin. Ushbu jamoada futbolchilarning iqtidorini yaxlit va jipslashgan holatga keltirish iqtidori bor. Ularning o‘yinida hamma narsa a’lo darajada uyg‘unlashgan», — deya germaniyalik hujumchining so‘zlarini keltiradi Goal portali.
Eslatib o‘tamiz, «qizil furiya» amaldagi Yevropa chempioni hisoblanadi.
