Мюнхеннинг «Бавария» клуби собиқ ҳужумчиси, ҳозирда «Ванкувер» шарафини ҳимоя қилаётган Томас Мюллер бўлажак Жаҳон чемпионати — 2026 фаворити сифатида қайси жамоани кўраётганини маълум қилди.
«Агар мен фақат битта жамоани танлашим керак бўлса, бу Испания терма жамоаси бўлсин. Ушбу жамоада футболчиларнинг иқтидорини яхлит ва жипслашган ҳолатга келтириш иқтидори бор. Уларнинг ўйинида ҳамма нарса аъло даражада уйғунлашган», — дея германиялик ҳужумчининг сўзларини келтиради Goal портали.
Эслатиб ўтамиз, «қизил фурия» амалдаги Европа чемпиони ҳисобланади.
