Garchi Sandro Tonali ingliz Premyer-ligasiga ancha moslashib qolgan va unga ushbu turnir grandlari da’vogarlik qilayotgan bo‘lsa-da, futbolchida Italiya chempionatiga qaytish variantlari ham mavjud. Xususan, Il Mattino nashrining xabar berishicha, «Napoli» klubi futbolchining xizmatlariga jiddiy qiziqish bildirishi mumkin.
Tonali aynan neapolliklar ustozi Antonio Kontega hozirda kerak bo‘lgan profildagi futbolchi hisoblanadi. Savol shundaki, «Napoli» futbolchi uchun ketadigan xarajatlarni ko‘tara oladimi? Eslatib o‘tamiz, Tonali avvalroq Italiyaning boshqa bir klubi — «Milan» sharafini himoya qilgan.
Ma’lumot uchun, italiyalik yarim himoyachi 2023 yilda Angliya chempionatiga ko‘chib o‘tgan va hozirda «Nyukasl» safida to‘p surmoqda.
