Braziliya terma jamoasi bosh murabbiyi Karlo Anchelotti bo‘lajak Jahon chempionati oldidan jamoaning zaif tomonlari haqidagi savolga javob berdi.
«Pentakampeonlar» ustozi hozirgi vaqtda himoya qanotlaridagi futbolchilar tanlovi ko‘ngildagidek emasligini tan oldi.
«Hozir Braziliyada ilgari hech qachon muammo bo‘lmagan pozisiyada kamchilik sezilmoqda — bu qanot himoyachilari. O‘tmishda bu yerda Marselo, Kafu kabilar bor edi. Hozirda esa tanqislik kuzatilyapti», — deya italiyalik mutaxassisning so‘zlaridan iqtibos keltirmoqda Brasil Football.
Karlo Anchelotti o‘tgan yil yozining boshida Braziliya milliy terma jamoasi boshqaruvini qo‘lga olgan edi. Bungacha murabbiy Madridning «Real» klubida faoliyat yuritgan.
