Ronaldinyoning liboslari «Barselona» do‘konlarida katta talabga ega bo‘lmoqda.
Kataloniya klubi o‘zining sobiq futbolchisiga tegishli bo‘lgan 2005/06 yilgi mavsum nusxasidagi barcha liboslarni onlayn-do‘konda bir sutkadan kamroq vaqt ichida sotib bo‘ldi. O‘sha mavsumda braziliyalik yulduz «blaugrana» tarkibida Chempionlar Ligasi va Ispaniya chempionatida g‘olib chiqqan edi.
«Barsa»ning «Kamp Nou»dagi asosiy do‘konida bunday liboslardan faqat bir nechtasi qolgan. Shu dushanbadan boshlab Ronaldinyoning 10-raqamli libosini shahardagi boshqa klub do‘konlaridan ham sotib olish mumkin.
