Роналдиньонинг либослари «Барселона» дўконларида катта талабга эга бўлмоқда.
Каталония клуби ўзининг собиқ футболчисига тегишли бўлган 2005/06 йилги мавсум нусхасидаги барча либосларни онлайн-дўконда бир суткадан камроқ вақт ичида сотиб бўлди. Ўша мавсумда бразилиялик юлдуз «блауграна» таркибида Чемпионлар Лигаси ва Испания чемпионатида ғолиб чиққан эди.
«Барса»нинг «Камп Ноу»даги асосий дўконида бундай либослардан фақат бир нечтаси қолган. Шу душанбадан бошлаб Роналдиньонинг 10-рақамли либосини шаҳардаги бошқа клуб дўконларидан ҳам сотиб олиш мумкин.














