«Barselona» hujumchi Ferran Torresni sotish bo‘yicha takliflarni ko‘rib chiqadi va yozgi transfer oynasida ikkita yangi hujumchi sotib olishga harakat qiladi. Bu haqda ESPN nashri xabar bermoqda.

Nashrning ma’lumotlariga ko‘ra, Kataloniya klubi 37 yoshli Robert Levandovskini qo‘yib yuborishdan ko‘ra, Torresni sotishni afzal ko‘rmoqda. «Ko‘k-anorranglilar» Ispaniya terma jamoasining 26 yoshli a’zosi transferidan foyda ko‘rishni umid qilishyapti.

Joriy mavsumda Torres «Barselona» safida barcha turnirlarda 40 ta o‘yinda maydonga tushib, 16 ta gol urdi va bitta golli uzatmani amalga oshirdi. Uning shartnomasi 2027 yilning yozida yakuniga etadi. Transfermarkt portali futbolchining bozor qiymatini 50 million yevroga baholamoqda.