Independent jurnalisti Migel Dileyni «Liverpul» rahbariyati nima uchun shu yozda asosiy jamoa bosh murabbiyi Arne Slot bilan xayrlashmasligining ikkita asosiy sababini ma’lum qildi.
Birinchi sabab — «Liverpul» mavsum davomida duch kelgan ko‘plab jarohatlardir. Ikkinchi sabab esa yozda sodir bo‘lgan Diogu Jotaning fojiali vafoti bo‘lib, bu voqea jamoaga ma’naviy va ruhiy jihatdan juda qattiq zarba bergan.
Eslatib o‘tamiz, o‘tgan mavsumda (Slotning Mersisayddagi debyut mavsumida) «Liverpul» chempionat yakunidan bir necha tur avval Angliya Premyer-ligasi chempioniga aylangan edi. Joriy mavsumda esa «qizillar»ning natijalari muxlislarni quvontirmayapti — jamoa turnir jadvalida atigi beshinchi o‘rinni egallab turibdi va kuchli to‘rtlikdan besh ochko ortda qolmoqda.
