Independent журналисти Мигель Дилейни «Ливерпуль» раҳбарияти нима учун шу ёзда асосий жамоа бош мураббийи Арне Слот билан хайрлашмаслигининг иккита асосий сабабини маълум қилди.
Биринчи сабаб — «Ливерпуль» мавсум давомида дуч келган кўплаб жароҳатлардир. Иккинчи сабаб эса ёзда содир бўлган Диогу Жотанинг фожиали вафоти бўлиб, бу воқеа жамоага маънавий ва руҳий жиҳатдан жуда қаттиқ зарба берган.
Эслатиб ўтамиз, ўтган мавсумда (Слотнинг Мерсисайддаги дебют мавсумида) «Ливерпуль» чемпионат якунидан бир неча тур аввал Англия Премьер-лигаси чемпионига айланган эди. Жорий мавсумда эса «қизиллар»нинг натижалари мухлисларни қувонтирмаяпти — жамоа турнир жадвалида атиги бешинчи ўринни эгаллаб турибди ва кучли тўртликдан беш очко ортда қолмоқда.
