«Barselona» hujumchisi Markus Reshford o‘z kelajagi haqidagi savolga javob berdi. Futbolchi joriy mavsumni ijara asosida kataloniyaliklar safida o‘tkazmoqda. Uning transfer huquqi esa «Manchester Yunayted»ga tegishli.

«Men «Barselona»da qolishni istayman. Bu mening maqsadim... Lekin bu mening mashg‘ulotlarda qattiq ishlashim va bor kuchimni berishimning yagona sababi emas. Asosiy maqsad — g‘alaba qozonish. «Barselona» — sovrinlar yutish uchun yaratilgan ulkan va ajoyib klub», — dedi Reshford Sport nashriga bergan intervyusida.

Avvalroq, «Manchester Yunayted» «Barselona»ning futbolchi ijarasini yana bir mavsumga uzaytirish borasidagi so‘roviga rad javobini bergani haqida xabar berilgan edi.

«Ko‘k-anorranglilar» tarkibida Reshford barcha turnirlarda 39 ta o‘yinda maydonga tushib, 10 ta gol urdi va 13 ta golli uzatmani amalga oshirdi.