Hujumkor yarim himoyachi Xvicha Kvarasxeliya «PSJ» safini tark etishni rejalashtirmayapti. Bu haqda Tribal Football jurnalistlari ma’lumot tarqatdi.
Manba bergan xabarga ko‘ra, gruziyalik vinger Fransiya grandidagi holatidan to‘liq mamnun va yozgi transfer oynasida jamoadan ketish niyatida emas.
Avvalroq matbuotda Londonning «Arsenal» klubi Xvichaga qiziqish bildirayotgani haqida xabarlar tarqalgan edi. Biroq futbolchining hozirgi pozisiyasi tufayli ushbu transferning amalga oshish ehtimoli juda past baholanmoqda.
25 yoshli gruziyalik yulduzning «PSJ» bilan amaldagi shartnomasi 2029 yilning iyun oyi oxirigacha mo‘ljallangan. Futbolchining bozor qiymati ayni damda 90 million yevroni tashkil etadi.
