Ҳужумкор ярим ҳимоячи Хвича Кварацхелия «ПСЖ» сафини тарк этишни режалаштирмаяпти. Бу ҳақда Tribal Football журналистлари маълумот тарқатди.
Манба берган хабарга кўра, грузиялик вингер Франция грандидаги ҳолатидан тўлиқ мамнун ва ёзги трансфер ойнасида жамоадан кетиш ниятида эмас.
Аввалроқ матбуотда Лондоннинг «Арсенал» клуби Хвичага қизиқиш билдираётгани ҳақида хабарлар тарқалган эди. Бироқ футболчининг ҳозирги позицияси туфайли ушбу трансфернинг амалга ошиш эҳтимоли жуда паст баҳоланмоқда.
25 ёшли грузиялик юлдузнинг «ПСЖ» билан амалдаги шартномаси 2029 йилнинг июнь ойи охиригача мўлжалланган. Футболчининг бозор қиймати айни дамда 90 миллион еврони ташкил этади.
