«Milan» va Braziliya terma jamoasining sobiq hujumchisi Aleshandre Pato milliy terma jamoa bosh murabbiyi Karlo Anchelotti haqida o‘z fikrlari bilan o‘rtoqlashdi.
«U yulduzlarni boshqarishni biladi. U shunchaki murabbiydan ko‘proq narsa. Braziliya uchun u eng munosib inson», — deya Patoning so‘zlarini keltirmoqda The Athletic.
Shuningdek, ekspert Neymarning terma jamoaga chaqirilishi to‘liq murabbiyga bog‘liq emasligini ta’kidladi. Patoning fikricha, «Santos» hujumchisi Jahon chempionatiga borishi kerakligini o‘z o‘yini bilan isbotlashi lozim.
Eslatib o‘tamiz, bo‘lajak yozgi mundialning guruh bosqichida Braziliya terma jamoasi Marokash, Gaiti va Shotlandiya bilan to‘qnash keladi. Jahon chempionati AQSH, Kanada va Meksika maydonlarida bo‘lib o‘tadi.
