Polshalik hujumchi Robert Levandovski «Barselona» safidagi faoliyatini davom ettirishi mumkin.

Ma’lumotlarga qaraganda, «Barselona» yaqin vaqtlarda Robert Levandovskiga bir yillik yangi shartnoma imzolashni taklif qiladi.

Diario Sport xabar qilishicha, yangi kelishuv bo‘yicha hujumchining asosiy daromadi taxminan 50%ga kamayadi. Shu bilan birga, Levandovskiga o‘yinlarda qatnashish va urilgan gollar uchun ko‘proq bonuslar taklif qilinadi. Hujumchining javobi aprel oxiri — may boshigacha kutiladi.

Levandovski 2022 yildan beri «Barselona» safida to‘p suradi. Bu mavsumda hujumchi klub safida 37 ta o‘yin o‘tkazib, 16 ta gol urdi va 1 ta golli uzatma berdi.