Польшалик ҳужумчи Роберт Левандовски «Барселона» сафидаги фаолиятини давом эттириши мумкин.

Маълумотларга қараганда, «Барселона» яқин вақтларда Роберт Левандовскига бир йиллик янги шартнома имзолашни таклиф қилади.

Diario Sport хабар қилишича, янги келишув бўйича ҳужумчининг асосий даромади тахминан 50%га камаяди. Шу билан бирга, Левандовскига ўйинларда қатнашиш ва урилган голлар учун кўпроқ бонуслар таклиф қилинади. Ҳужумчининг жавоби апрел охири — май бошигача кутилади.

Левандовски 2022 йилдан бери «Барселона» сафида тўп суради. Бу мавсумда ҳужумчи клуб сафида 37 та ўйин ўтказиб, 16 та гол урди ва 1 та голли узатма берди.