«Barselona»ning sobiq prezidenti Xosep Bartomeu klubdagi faoliyati haqida fikr bildirdi. U o‘z lavozimini 2014 yildan 2020 yilgacha egallagan bo‘lib, ushbu davr mobaynida jamoa, boshqa yutuqlar qatorida, 4 marta Ispaniya chempioni bo‘ldi, shuningdek, bir martadan Chempionlar Ligasi va Klublar o‘rtasidagi jahon chempionatida g‘olib chiqdi.

«Meni eng yomon prezident bo‘lgan deb aytishsa, kulgim keladi. Qaysi ko‘rsatkich bo‘yicha? Olti yillik faoliyatim davomida men 13 ta sovrin yutdim, «Barselona» esa 100 milliondan ortiq daromad ko‘rdi. Agar pandemiya bo‘lmaganida, stadionni qayta ta’mirlash ishlari, ehtimol, ancha erta boshlangan bo‘lardi», — deya Bartomeuning so‘zlaridan iqtibos keltiradi Ara portali.

Bartomeu ketganidan keyin klub prezidenti etib, avval ham jamoani boshqargan Joan Laporta saylandi.