«Барселона»нинг собиқ президенти Хосеп Бартомеу клубдаги фаолияти ҳақида фикр билдирди. У ўз лавозимини 2014 йилдан 2020 йилгача эгаллаган бўлиб, ушбу давр мобайнида жамоа, бошқа ютуқлар қаторида, 4 марта Испания чемпиони бўлди, шунингдек, бир мартадан Чемпионлар Лигаси ва Клублар ўртасидаги жаҳон чемпионатида ғолиб чиқди.
«Мени энг ёмон президент бўлган деб айтишса, кулгим келади. Қайси кўрсаткич бўйича? Олти йиллик фаолиятим давомида мен 13 та соврин ютдим, «Барселона» эса 100 миллиондан ортиқ даромад кўрди. Агар пандемия бўлмаганида, стадионни қайта таъмирлаш ишлари, эҳтимол, анча эрта бошланган бўларди», — дея Бартомеунинг сўзларидан иқтибос келтиради Ara портали.
Бартомеу кетганидан кейин клуб президенти этиб, аввал ҳам жамоани бошқарган Жоан Лапорта сайланди.
