«Napoli» a’zosi Jovanni Di Lorenso tizzasidan olgan jarohatidan so‘ng tiklanish jarayonini davom ettirmoqda. Futbolchi Italiya terma jamoasidagi sheriklari Mattia Dzakkani va Gulyelmo Vikario bilan birgalikda Shimoliy Irlandiyaga qarshi o‘tish bosqichining yarim final uchrashuvida ishtirok etdi.

O‘yinchining agenti Mario Juffredi o‘z mijozi reabilitasiya jarayoni davom etayotgani sababli Zenisadagi safar o‘yinini o‘tkazib yuborishini ta’kidladi.

«U Bosniyaga boradi deb o‘ylamayman, chunki u muolaja olmoqda. Payshanba kuni Bergamoda bo‘lish uchun u katta fidoyilik ko‘rsatdi. U muolajalardan so‘ng kunduzi yo‘lga chiqib, ertasi kuni ertalab soat 6 da Neapolga qaytib keldi», — deya uning so‘zlaridan iqtibos keltiradi Stile TV.

«U terapiya kunlarini qoldiradigan holatda emas, chunki sog‘ayishga yaqin turibdi. Uning qaytishiga kelsak, umid qilamanki, aprel oyining oxirgi haftasi uni yana maydonda ko‘rishimiz uchun mos vaqt bo‘ladi», — deb qayd etdi agent.

Italiya va Bosniya o‘rtasidagi uchrashuv 31 mart kuni bo‘lib o‘tadi. G‘olib jamoa Jahon chempionatiga yo‘l oladi.